Serra do Suído

Cascada na Serra do Suído 

Abarca os concellos pontevedreses d’A Lama, Fornelos de Montes e Covelo; e os ourensáns de Avión e Beariz.

Abundan Nela as carballeiras e os bosques frondosos, xa que a serra do Suído, xunto coa d’O Cando, forman unha barreira que recolle gran parte das precipitacións atlánticas. Forman parte tamén do seu atractivo os ríos e as súas pozas (destacan as do Verdugo e o río Xesta); así como as chouzas, edificacións de granito que datan da Idade Media e servían de refuxio aos pastores. Outros puntos de interese son a punta de Faro de Avión, as carballeiras de Barragán – entre Pazos de Borbén e Fornelos de Montes – e as cascadas do Tourón, xa na vertente ourensá.

Bestas no Suído

Serra do Xurés

O Parque Natural Baixa Limia-Serra do Xurés segundo a Consellería de Medio Ambiente

A prehistoria en Bande

Entre a diversidade de vestixios arqueolóxicos de Bande destacan a profusión de túmulos (mámoas) e castros.

Mapa arqueolóxico de Bande (clicar sobre os puntiños para identificar cada resto)

 FONTE: Concello de Bande

Aquis Querquennis

Vista aérea do Aquis Querquennis

No concello de Bande pódense atopar diversos restos arqueolóxicos, entre os que destaca o complexo térmico romano Aquis Querquennis composto por un campamento militar, unha mansión viaria e aguas termais.O campamento romano dunha cohorte da lexión sétima xémina foi un dos epicentros militares dende os que se activou a construcción desta ruta. Ata a data, van escavados e consolidados, total o parcialmente, uns 200m. de muralla, coas súas torres sucesivas e alternantes, así como dúas importantes entradas, a porta principalis sinistra e a porta decumana, aparte dun pequeno sector del foso; tres barracóns da tropa, coas súas contubernia, e o patio ou impluvium . Tamén un hospital, con dous horrea. Nos últimos tempos exhumouse o edificio medular do campamento, tratase dos principia ou cuartel xeral.
Da mansión viaria – pequena hospedaxe para os viaxeiros que recorrían a vía –  escavouse o que parece un edificio hostaleiro co seu gran patio cuberto, un forno panificador, os apousentos, a cociña e o patio cercado exterior provisto do correspondente pozo para abeberar as bestas de carga.
Unhas xenerosas augas termais, con multitude de mananciais, que xa na época romana deron nome a esta mansión, brotan no medio dos restos. Estes mananciais de auga quente son utilizados polos veciños de poboacións próximas, que lle atribúen propiedades indicadas para o reumatismo e enfermidades da pel.

Contubernia

 

Horrea

 

Porta Principalis Sinistra

FONTE: Concello d’A Lama

Nosa señora das Ermitas

O santuario está situado na parroquia de Antas. Nel danse cita os días 4 e 5 de agosto,na romería. A devoción comenza cando se atopa unha pedra cunha imaxe esculpida no lugar de “Sete Fontes”. A posesión da imaxe deu lugar a controversias entre as parroquias de Xende e Antas. A imaxe foi trasladada polos de Xende en moitas ocasións, pero sempre reaparecía no lugar orixinal de forma miragrosa. Foi nacendo o sentimento de que algo miragroso estaba ocurrindo. Anos despois un labrego que tiña unha ferida no beizo á que os médicos de Madrid, Vigo, Pontevedra e Santiago, non lograban sandar, lavándose as feridas na primeira fonte, xunto á imaxe, viu como pouco a pouco melloraba hata que finalmente ó mes sandou. Convencido de que se trataba dun miragre, pediu permiso ó Bispo para construir unha capela. Dende entón é cando As Ermidas empeza a ter carácter relixioso instituido e se vai convertindo en lugar de peregrinación onde os devotos acoden antes da saída do sol a lavarse en cada unha das fontes existentes. O 17 de mayo de 1890 D. Inocencio Cendón “O Crego de Abelaido” constrúe a capela que existe hoxe.FONTE: Concello d’A Lama

A prehistoria n’A Lama

Pódense visitar na Lama restos arqueolóxicos de diversas épocas.

Da época megalítica (4000-2000 antes da nosa era) son as mámoas de Portela da Cruz, O Seixo, O Suido e Antas.

Na Idade de Bronce fixéronse os petroglifos de Chan de Campo, Val do Gato e Laxa das Puzas.

Petroglifo n’ A Lama

Hai tamén tres castros identificados: o Monte do Castro en Gaxate, o Monte do Castro en A Lama e o Castro de Xende.

Vestixios arqueolóxicos n’O Incio

Ademais, nas parroquias do concello d’O Incio podemos atopar diversos vestixios arqueolóxicos (dolmens, castros…), entre os que destacan os petroglifos gravados en pizarra a orillas do embalse de Vilasouto.

Arqueoloxía por parroquias n’O Incio

FONTE: Concello d’O Incio